Kachi Deewar Hoon Thokar Na Lagana Mujh ko

Kachi Deewar Hoon Thokar Na Lagana Mujh ko
Apni Nazron Mai Basa Ker Na Giraana Mujh ko

Tum ko Aankho Mai Tasawwoor Ki Tarah Rakhta Hoon
Dil Mai Dharkan ki Tarah Tum bhi Basana Mujh ko

Baat Karnae Mai jo Mushkil ho Tumhein Mehfil Mai
Mai Samajh Jaaonga Nazron Se Bataana Mujh ko

Waada Utna Hi Karo Jitna Nibha Sakte Ho
Khawab Pura jo na ho wo na Dikhana Mujh ko

Apne Rishtey ki Nazaakat ka Bharam Rakh Lena
Mai to Aashiq Hoon Deewana na Banana Mujh ko

Kachi Deewar Hoon Thokar Na Lagana Mujh ko
Apni Nazron Mai Basa Ker Na Giraana Mujh ko

Mohhabat Ka ghum hota bohut Hai

Mohhabat Ka ghum hota bohut Hai,
K ab Ye Lafz Bhi Ruswa bohut Hai,

Udasi Ka Sabab Main Kiya Bataon?
Gali Kochon Mein sannata bohut Hai,

Na milne Ki qasam Kha K Bhi Main Ne,
Tujhe Har Raah Mein dhunda bohut Hai,

Ye Aankhein Aur Kiya Dekhein Kisi Ko,
Inn Aankhon Ne tujhe Dekha bohut Hai,

Na Jaane Kyun Bacha Rakhe Hein Aanso,
Shayid mujhe Rona bohut hai,

Tujhe maloom To hoga mere humdum,
Tujhe Aik Shakhs Ne Chaha bohut hai.!

Main jeet ke haara to kis mor pe aa ke

Main jeet ke haara to kis mor pe aa ke,
Toota tera sahara to kis mor pe aa ke.

Nishaan tak na raha meri chahton Ka kabhi,
Mujhe taqdeer ne maara to kis mor pe aa ke.

Jab na rahi dil mein koi piyar ki hasrat,
Mujhe tum ne pukara to kis mor pe aa ke.

Umar bhar doobte rahe hum gham Ke samandar mein,
Ab ja Ke mila kinara to kis mor pe aa ke.

Guzri hai umar sari youn awara-gardi mein,
Tune bhi zindagi ko sanwara to kis mor pe aa ke...!

Tere Haath Ki Me Woh Lakeer Ban Jaoon

Tere Haath Ki Me Woh Lakeer Ban Jaoon.
Sirf Me Hi Tera Muqadar Teri Taqdeer Ban Jaoon.

Me Tujhe Itna Chahoon K Tu Bhool Jae Her Rishta.
Sirf Main Hi Tere Her Rishte Ki Tasweer Ban Jaoon.

Tu Ankhain Band Kare To Aaoon Main Hi Nazar.
Is Tarha Main Tere Her Khuwab Ki Taabeer Ban jaun...

main likhoun hr ik lafz sirf teri chahat ky naam...
main he tera lehja, teree hr tehreer ban jaoun...!!!

"Aaj Mohabbat Ki Inteha Kr Do

"Aaj Mohabbat Ki Inteha Kr Do
Ya Apna Bana Lo Ya Tanha Kr Do

Dil K Aangan Me Mehman Bana Lo
Ya Chaho To Zamane Me Ruswa Kr Do

Door Kar Do Jese Zameen-O-Aasmaan
Ya Kareeb Jese Phool Khusbho Ka Rishta Kr Do

Bewafa Ho Jao Jese Aag Aur Pani,
Ya Phir Mar Kr B Na Maren Aesi Wafa Kr Do...!!

 

Mujhe is Se Koi Gharz Nahi Mere Ru-Ba-Ru Koi Aur Hai

Mujhe is Se Koi Gharz Nahi Mere Ru-Ba-Ru Koi Aur Hai
Teri Khuwahishon K Jahan Me Meri Aarzu Koi Aur Hai

Mujhe Kal B Teri Talash Thi Mujhe Ab B Teri Talash Hai
Na Wo Justaju Koi Aur Thi Na Ye Justaju Koi Aur Hai

Main Hadod-E-Jism Ko Tod Kar,Jo Nikal Gaya,To Pata Chala
Kal Main Hi Main Tha Ab Meri Terha Wahan Hu-Ba-Hu Koi Aur Hai

Tujhay kese Khud Se Juda Karon k Tu Juda Nahi Meri Zaat Se
Ye Bata k Main Koi Aur Hon Ya Bata K Tu Koi Aur hai…!!

 

Ham Ne "ULFAT" Ka Bharm Sab Se Juda Rakha Ha

Ham Ne "ULFAT" Ka Bharm Sab Se Juda Rakha Ha

Goya Seene Mein Tujey "DIL" Ki Jaga Rakha Ha

Dil Ye Chahey Ke Tu Kabi "BADNAAM" Na Ho

Dekh Zikr Tera Ha Magr Naam Chupa Rakha Hy

Mery Jis Hath Sy Kia Tha Tu Ny "MUSAFA"

Dhoya Hi Nahi Honton Sy Laga Rakha Hy

Ab Hum Samjhe Tery "RUKHSAR" Py Till Ka Matlab

"DOULT-E-HUSN" Pe Darban Bitha Rakha Hy

"JUDA" Ho Gaye Hain To Phir Kia Howa

Teri Tasweer Ko Seeny My Saja Rakha Hy

Hamein to ab bhi woh guzra zamana yaad aata hai

Hamein to ab bhi woh guzra zamana yaad aata hai
tumhe bhi kya kabi koi dewana yaad aata hai…

hawaein tej thi, baarish bhi thi, tufan bhi tha lekin
tera aise main bhi waada nibhana yaad aata hai

guzar chuki thi bahut raat baaton-baaton main
fir uth k woh tera shama bujhana yaad aata hai

ghatayein kitni hi dekhi hain par mujhe
kisi ka rukh pe woh zulfein girana yaad ata hai.

Tum mere dil mein samao to koi baat bane

Tum mere dil mein samao to koi baat bane
phir kabhi door najao to koi baat bane

pyaar kehne sey to baat nahe banti
pyaar bana k dekhao to koi baat bane

hum to chup chaap se rehtey hain magar
tum kabhi aa k hansao to koi baat bane

sath deney ki to sab baat kiya karte hain
tum agar saath nibhao to koi baat bane

rutho sou baar hum ko shikayat na hogi
rooth k maan bhi jao to koi baat bane

yeh ankhen har dam udaas raha karti hain
in main koi khuwab sajao to koi baat bane.

Chal Chlte Hain Us Paar Sanam

Chal Chlte Hain Us Paar Sanam
Jaha Lehron ki Khmoshi Ho

Jahan Sanson Ki Madhoshi Ho
Jahan Jzbon Ki Behoshi Ho

Jahan Ankhon Se Srgoshi Ho
Chal Chlte Hain Us Paar Sanam

Ik Nai Aas Lganay Ko
Ik Dil Ki Aag bujhane Ko

Ik Doje Me Kho Jane Ko
Ik Pal K Naam Ho jane ko

Chal Chlte Hain Us Paar SaNam
Jahan Aasan Sari Rahain Hon

Jahan Ik Doje ki Bahain Hon
Jahan LabPe Sard Si Aahain Ho

Jahan pyar Ki kuch Pnahain Ho
Chal Chlte Hain Us paar Sanam.

Kaisay kahoon k apna bana lou mujhey

Kaisay kahoon k apna bana lou mujhey
bahoun mein apni sama lou mujhey

Bin tumharey aik pal bhi ab kat-ta nahin
Tum aa ker mujhi say chura lou mujhey

Zindagi tou woh hai sang tumharey jo guzrey
Dunya kay gamoun say ab chura lou mujhey

Meri sab say gehri khuwahish hou puri
Tum agar pass apnay bula lou mujhey

Yeh kaisa nasha hai jou behka raha hai
Tumhara hoon mein tou sambhalo mujhey

Najanay phir kaisay guzrey gi zindagani
Agar apnay dil say kabhi tum nikalo mujhey

Bahaon main teri ajj bikhar janay do

Bahaon main teri ajj bikhar janay do
Mehki saanso main mujhe utar janay do

Raat tanha or sard mosam hai
ajj apni saanson main mehak janay do

Shoq nazrOn ko sharam aati hai
Thartharatay lab ko lab se sil janay do

Bikhra huye gaisuu bikhra hua kajal hai
Ajj rooh ko rooh main samaa janay do

Raat thori aarman dil main baqi hain
Ajj bahOn main hi teri rat ko kat janay do..

APNA DIL PESH KAROON APNI WAFA PESH KAROON

APNA DIL PESH KAROON APNI WAFA PESH KAROON,
KUCH SAMAJH ME NAHI ATA TUJHE KYA PESH KAROON,

TERE MILNE KI KHUSHI ME KOI NAGMA CHEROON,
YA TERE DARD KI JUDAAI KA GILA PESH KAROON,

MERE KHABON ME BHI TU MERE KHYALON ME BHI TU,
KONSI CHEZ TUJHE TUJHSE JUDA PESH KAROON,

JO TERE DIL KO LUBHA LE WO ADA MUJHME NAHI,
KYON NA TUJHKO KOI TERI HI ADA PESH KAROON

Uss k honton ka tabassum rahay qayaim "YA RUB"

Uss k honton ka tabassum rahay qayaim "YA RUB"
Uss k jeevan main khushiyon ka basaira ker day...

Tu meri "KARB" ki raaton ko bhalay khatam na ker,
Uss ke her shaam k aakhir mai "SAWAIRA" ker day.

Uss k "DIL" k kisi konay main jaga day mujh ko...
Uss ki "AANKHON" ko meray sapnon say khaira ker day

Yeh meray dil ki dua hay "MERA MOLA SUN LAY"...
Saaaari duniya say chupa ker "USSAY MERA KER DAY

Doob Jata Hun Unki Aankhon Mein

Doob Jata Hun Unki Aankhon Mein
Gahri Jheel Hain Unki Aankhein

Bah Jata Hun Unki Aankhon Mein
Bahti Nadiya Hain Unki Aankhein

Kho Jata Hun Unki Aankhon Mein
Atha Sagar Hain Unki Aankhein

Jal Jata Hun Unki Aankhon Mein
Jwala Mukhi Hain Unki Aankhein

Bheeg Jata Hun Unki Aankhon Mein
Kali Ghata Hain Unki Aankhein

Kya Se Kya Ho Jata Hun Unki Aankhon Mein
Kaisi Aur Kya Balaa Hain Unki Aankhein..

Main usay kaisay akela chor dun is raah main

Main usay kaisay akela chor dun is raah main
sath jo chalta raha majburuyn kay baad bhi

Ban kay khushbo rach gya hai yun meray ehsas main
Door ho paaya nahi wo dooryun kay baad bhi

Rafta rafta usko bhi dunya raas aai gai
Muskara kay wo mila hai ranjishon kay baad bhi

Faslay kab kum huay hain raabton kay baad bhi
Ajnabi thay ajnabi hain itni gehri Dosti kay baad bhi.

Jamaal-e-Yaar Ko Dekhoon, Kamaal-e-Yaar Sey Pheley

Jamaal-e-Yaar Ko Dekhoon, Kamaal-e-Yaar Sey Pheley
Mai Khushbu Ki Terhan Mehku, Khyal-e-Yaar Sey Pheley

Karishmay Hussn K Sura,Sitary,Phool Zaahir Hain
Magar Mai Kis Taraf Dekhoon, Misaal-e-Yaar Sey Pheley

Duaon Mai Meri Yun Tou Bohat Taseer Hai Lekin
Mai KHUDA Se Aur Kya Maangoon, Sawal-e-Yaar Sey Pheley

Hai Adat Door Rehney Ki Agar Woh Samney Aaye
Mai Shaam-e-Zindagi Chahoon, Visaal-e-Yaar Sey Pheley

Subhi Mausam Khushyon K Jahan Uska Basera Ho
Zamaney Ko Badal Daalon, Zawaal-e-Yaar Sey Pheley..

Samay-samay ki khalish mein tera malal rahe

Samay-samay ki khalish mein tera malal rahe
judaaiyo`n mein bhi yoon aalam-e-visaal rahe

ana ki jang mein hum jeet to gaye lekin
phir us ke baad bahut der tak nidhaal rahe

raah-e junoon mein yahi zaad-e-raah hota hai
ke justuju badhe deewangi bahaal rahe

haseen raatein bhi mehkien tumhari yaadon se
kare dino`n mein bhi pal-pal tera khayaal rahe

tu ek baar zara kishtiyaan jala to sahi
hai kya majaal ke ek lamha bhi zawaal rahe

Pyaas wo dil ki bujhaane kabhi aaya b nahi

Pyaas wo dil ki bujhaane kabhi aaya b nahi
Kaisa badal hai jiska koi saaya b nahi

Berukhi is se bari aur bhala kya hogi
Ek muddat se hamein us ne sataya b nahi

Roz ata hai dar-e-dil pe wo dastak dene
Aj tak hamne jise paas bulaya bi nahi

Sun liya kaise khuda jaane zamaane bhar ne
Wo fasaana jo kabhi hum ne sunaya b nahi

Tum to shaayar ho `Kabeer` or wo ik aam sa shakhs
Us ne chaaha b tumhain or jataya b nahi

Mera Sawan Bhi Tum Ho Meri Pyas Bhi Tum Ho

Mera Sawan Bhi Tum Ho Meri Pyas Bhi Tum Ho
Sehra Ki Bahou'n Main Chupi Aas Bhi Tum Ho

Tum You'n To Boht Door Ho Mujh Sey
Ehsaas Yeh Hota Hy Merey Paas Bhi Tum ho

Her Zakhm ki Aghosh Mai'n Hy Dard Tumhara
Her Dard Main Tasken Ka Ehsas Bhi Tum Ho

Kho Jaou Tu Veran Si Ho Jaati Hai'n Rahai'n
Mill Jao Tu Phir Jeeny Ka Ehsas Bhi Tum Ho

Likhta Hou'n Tu Tum Hi Utarty Ho Qalam Sey
Parhta Hou'n to Lehja Bhi Tum, Aawaz Bhi TuM Ho..!!