Kachi Deewar Hoon Thokar Na Lagana Mujh ko

Kachi Deewar Hoon Thokar Na Lagana Mujh ko
Apni Nazron Mai Basa Ker Na Giraana Mujh ko

Tum ko Aankho Mai Tasawwoor Ki Tarah Rakhta Hoon
Dil Mai Dharkan ki Tarah Tum bhi Basana Mujh ko

Baat Karnae Mai jo Mushkil ho Tumhein Mehfil Mai
Mai Samajh Jaaonga Nazron Se Bataana Mujh ko

Waada Utna Hi Karo Jitna Nibha Sakte Ho
Khawab Pura jo na ho wo na Dikhana Mujh ko

Apne Rishtey ki Nazaakat ka Bharam Rakh Lena
Mai to Aashiq Hoon Deewana na Banana Mujh ko

Kachi Deewar Hoon Thokar Na Lagana Mujh ko
Apni Nazron Mai Basa Ker Na Giraana Mujh ko

Kyun piyaar us par hee aata hay

Kyun piyaar us par hee aata hay,
Jo mil kar bhi naa mil pata hay.

Kaisey yeh usse batayein hum,
Tujh bin reeh na paayein hum.

Kyun baar baar woh satata hay
Kuwaabon main aakar rulata hai?

Bhulanaa us ko chahein hum,
Par kis tarah bhulaayein hum?

Woh mann main har dum rahta hay,
Dharkan ki tarah dharkta hay.

Hain issi Ehsaas se zindaa hum,
ek-duje ke dil- o- jaan hain hum.

Ek dujey kay dil main rehtay hain
Kya piyaar issi ko kehtay hain?

Hina, Khusboo, Barish Ki Mehik Mein Ghum Rehti Hai

Hina, Khusboo, Barish Ki Mehik Mein Ghum Rehti Hai
Woh Aksar Apni Zaat Mein Ghum Rehti Hai

Zindagi Ne Diye Hain Jo Dard Usy Aksar
Laboo Pay Taala Woh Isi Liye Rakhti Hai

Dil Ky Gham Bhi Tanha Sehti Hai Woh
Phir Bhi Chehray Pay Muskan Rehti Hai

Liye Ankhon Mein Ek Umeed Ka Sapna Woh
Ranj o Aalim K Sub Karb Jheelti Hai

Nazuk Sa Dil, Masoom Jazbat Rakhti Hai
Hosla Phir Bhi Kamal Ka Rakhti Hai

Mohhabat Ka ghum hota bohut Hai

Mohhabat Ka ghum hota bohut Hai,
K ab Ye Lafz Bhi Ruswa bohut Hai,

Udasi Ka Sabab Main Kiya Bataon?
Gali Kochon Mein sannata bohut Hai,

Na milne Ki qasam Kha K Bhi Main Ne,
Tujhe Har Raah Mein dhunda bohut Hai,

Ye Aankhein Aur Kiya Dekhein Kisi Ko,
Inn Aankhon Ne tujhe Dekha bohut Hai,

Na Jaane Kyun Bacha Rakhe Hein Aanso,
Shayid mujhe Rona bohut hai,

Tujhe maloom To hoga mere humdum,
Tujhe Aik Shakhs Ne Chaha bohut hai.!

Main jeet ke haara to kis mor pe aa ke

Main jeet ke haara to kis mor pe aa ke,
Toota tera sahara to kis mor pe aa ke.

Nishaan tak na raha meri chahton Ka kabhi,
Mujhe taqdeer ne maara to kis mor pe aa ke.

Jab na rahi dil mein koi piyar ki hasrat,
Mujhe tum ne pukara to kis mor pe aa ke.

Umar bhar doobte rahe hum gham Ke samandar mein,
Ab ja Ke mila kinara to kis mor pe aa ke.

Guzri hai umar sari youn awara-gardi mein,
Tune bhi zindagi ko sanwara to kis mor pe aa ke...!

Ham Ne "ULFAT" Ka Bharm Sab Se Juda Rakha Ha

Ham Ne "ULFAT" Ka Bharm Sab Se Juda Rakha Ha

Goya Seene Mein Tujey "DIL" Ki Jaga Rakha Ha

Dil Ye Chahey Ke Tu Kabi "BADNAAM" Na Ho

Dekh Zikr Tera Ha Magr Naam Chupa Rakha Hy

Mery Jis Hath Sy Kia Tha Tu Ny "MUSAFA"

Dhoya Hi Nahi Honton Sy Laga Rakha Hy

Ab Hum Samjhe Tery "RUKHSAR" Py Till Ka Matlab

"DOULT-E-HUSN" Pe Darban Bitha Rakha Hy

"JUDA" Ho Gaye Hain To Phir Kia Howa

Teri Tasweer Ko Seeny My Saja Rakha Hy

Apna Hissa shumar karta tha

Apna Hissa shumar karta tha
Wo Mujhse itna pyaar karta tha,

Wo Banata tha Meri Tasveerain
Phir un se Baatein Hazaar karta tha,

Mera Dukh B khaloos-e-Neeyyat se
Apne Dukhon mei Shumaar karta tha,

Such Samajhta tha Jhoot B mera,
Yun Woh Mera Aitbaar Karta tha,

Jab B Roti thi Main Raat ki Tanhaiyon mei
Wo apne Honto se mere ChehrE ko Saaf karta tha,

Aaj Sochti hoon to Aankhein beegh jati hain
Wo Shakhs Mujhse kitna Pyaar karta tha..

Tum mere dil mein samao to koi baat bane

Tum mere dil mein samao to koi baat bane
phir kabhi door najao to koi baat bane

pyaar kehne sey to baat nahe banti
pyaar bana k dekhao to koi baat bane

hum to chup chaap se rehtey hain magar
tum kabhi aa k hansao to koi baat bane

sath deney ki to sab baat kiya karte hain
tum agar saath nibhao to koi baat bane

rutho sou baar hum ko shikayat na hogi
rooth k maan bhi jao to koi baat bane

yeh ankhen har dam udaas raha karti hain
in main koi khuwab sajao to koi baat bane.

Koi waqat purana yaad aya koi door suhana yaad aya

Koi waqat purana yaad aya, koi door suhana yaad aya
Wo chaak say in dewaron par, kuch likh kar jana yaad aya

Tere milna neem ki chaoon mein, aur sar rakh dena kandhay par
Mera yeh kehna koi dekh na lay, tere wo ghabrana yaad aya

Kabi aisay b to hota tha, mai tum say milnay jata tha
Jab wapis anay lagta tha, tera hath hillana yaad aya

Wo waqt gaya lamhay beetay, ab har janib tanhai hay
Wo ek hay manzar ankhon mai, tera choor k jana yaad aya

Na dekha karo tum humein teerchhi nazaron se is tarah

Na dekha karo tum humein, teerchhi nazaron se is tarah
ke jaan jaati hai jism se, neend aankhon se jis tarah

Aaankhein hai ye tumhari, ya shab e maikhana
main hosh jo kho doon, mujhe hosh mein na lana

Dekha jo tumne pyar se, wafa ka izhaar hua
paya jo tumhein zindgi mein, mohabbat ka ikraar hua

Khoya jo tumhein, ik aah nikli is dil se
dil ko jala gayi, ik bijli is dil se

Ab na aao khwaabon mein tum, kahin neend se na jagoon
main zinda hi kab tha, kahin maut se na jagoon.....! !

Us ka tu her andaaz nirala sa lagay hai

Us ka tu her andaaz nirala sa lagay hai
Qatil hai mera aur masiha sa lagay hai

Wo jis se koi khas taaruf bhi nahi hai
jub bhi nazer aajaye hai apna sa lagay hai

hum us ke bina jaise mukammal hee nahi ?
jo kaam bhi kertay hain adhura sa lagay hai

mein us ki her aik baat ko kis terha na manoo
wo jhoot bhi bolay hai tow sachcha sa lagay hai

aik umr hui tootay huay dil ko hamare
ye zakhm mager aaj bhi kal ka sa lagay hai

itni si khata per keh tera naam liya tha
her shaks mere khoon ka piyasa sa lagay hai

Kaisay kahoon k apna bana lou mujhey

Kaisay kahoon k apna bana lou mujhey
bahoun mein apni sama lou mujhey

Bin tumharey aik pal bhi ab kat-ta nahin
Tum aa ker mujhi say chura lou mujhey

Zindagi tou woh hai sang tumharey jo guzrey
Dunya kay gamoun say ab chura lou mujhey

Meri sab say gehri khuwahish hou puri
Tum agar pass apnay bula lou mujhey

Yeh kaisa nasha hai jou behka raha hai
Tumhara hoon mein tou sambhalo mujhey

Najanay phir kaisay guzrey gi zindagani
Agar apnay dil say kabhi tum nikalo mujhey

Ek bhegi hui si raat mile

Ek bhegi hui si raat mile
us raat me tera hath mile

tere lab se tapken jo bonden
unhe mere labon ka sath mile

kuch tum bi behke behke se
kuch mujh pe nasha sa tari ho

har pal me chaye madhoshi
Ek aisi raat hamari ho

phir tum aao meri bahon me
main pyar karon tumhe ji bhar ke

tum mujhse thora sharma jao
sharma k galay se lag jao

main jitna tumko pyar karon
tum itne hi betab ho jao

hamein pyar k kuch lamhat milen
Ek bhegi hui si raat mile….!

PALKEN ZARA UTHA KAR EK BAAR DEKHIYE

PALKEN ZARA UTHA KAR EK BAAR DEKHIYE,
THODA SA MUSKURA KAR EK BAAR DEKHIYE,

AE MAAH TAAB-E-HUSN ANDHERA HAI CHAR SOO,
RUKH SE NAKAAB UTHA KAR EK BAAR DEKHIYE,

CHUPNE LAGA HAI CHAAND GHATAAO KI OAT ME,
ZULFEN ZARA HATA KAR EK BAAR DEKHIYE,

BAJNE LAGENGE JALTARANG ES KAAENAAT ME,
KOI GEET GUNGUNA KAR EK BAAR DEKHIYE,

DE DENGE JAAN AAPK KADMO ME HUM HUZOOR,
SHAM-E-WAFA JALAKAR EK BAR DEKHIYE,

MERI TARHA AAP BHI TARSENGE NEEND KO,
YE DIL KAHIN LAGA KAR EK BAAR DEKHIYE,

KYON DAR BADAR HAI AAP WAFA KI TALASH ME,
APNA HAME BANA KAR EK BAAR DEKHIYE,

ES PUR FAREB DOUR KA SHIKWA BAJA MAGAR,
KABEER KO AAZMA KAR EK BAAR DEKHIYE.

Mohabbat tumse hai yeh maanti hoon mein

Mohabbat tumse hai yeh maanti hoon mein

chahat bus tumhari hai yeh janti hoon mein

Aao apni zaat ke us pehlu se milaaaon tumhe

mein kya hoon aur kon hoon yeh bataaon tumhe

Mein apni maan ki tarbiyat mein dhala ik sancha hoon

apne baba ki umeedon se pur aik khaka hoon mein

Apne bhai ki ghairat hoon yeh jaanti hoon mein

is ghar ki izat hoon yeh maanti hoon mein

To phir behek jaaon phir mein yeh mumkin hi nahin

rishte aur bhi to hain sirf tum hi to nahin

Mohbabbat unhe bhi hai sirf tum ko to nahin

Kaash Mein Tere Haseen Haath Ka Kangan Hota

Kaash Mein Tere Haseen Haath Ka Kangan Hota
Tu Bade Payar Say Chao Say Bade Maan K Saath

Apni Nazuk Si Kalayi Mein Chadhati Mujh Ko
Aur Bay Taabi Say Furqat K Khizan Lamho Mein

Tu Kisi Soch Mei Doobi Jo Ghumaati Mujh Ko
Mein Tere Hath Ki Khushboo Say Mehak Jata

Jab Kabhi Mood Mein Aa Kar Mujhay Chooma Karti
Tere Honton Ki Hidat Say Dahak Sa Jaata

Raat Ko Jab Bhi Tu Neendon Kay Safar Pay Jaati
Mar Mareein Haath Ka Takiya Banaya Karti

Mein Tere Kaan Say Lag Kar Kayi Baatein Karta
Teri Zulfon Tere Gaal Ko Chooma Karta

Mujh Ko Bay Taab Sa Rakhta Teri Chahat Ka Nasha
Mein Teri Rooh K Gulshan Mein Mehak Ta Rehta

Mein Tere Jism K Aangan Mein Khanakta Rehta
Kuch Nahi To Ye Bay Naam Sa Bandhan Hota

Kaash Mein Tere Haseen Haath Ka Kangan Hota

Baat Niklay Gi To Phir Door Talak Jaye Gi

Baat Niklay Gi To Phir Door Talak Jaye Gi
Loug Be Waja Oodaasi Ka Sabab Poochhain Gay

Ungliyaan Oothain Gi Sookhay Hooway Baaloun Ki Tarf
Ik Nazar Dekhain Gay Guzray Hooway Saaloun Ki Tarf

Chooriyoun Par B Kayi Tanz Kiyay Jayein Gay
Kaanp`tay Haathoun Par B Fiqray Kasay Jayein Gay

Loug Zalim Hein Har Ik Baat Ka Taana Dein Gay
Baatoun Baatoun Mien Mera Bhi Zikar Lay Aayein Gay

In Ki Batoun Ka Zara Bhi Asar Mat Laina
Warna Chehray Taas`sur Se Samjh Jayein Gay

Chahay Kuch Bhi Ho Swalaat Na Karna Oon se
Meray Baray Mein Baat Koi Na Karna Oon Se

 

Huee hai shaam to aankhon mein bas gaya phir tu

Huee hai shaam to aankhon mein bas gaya phir tu
kahaan gaya hai mere shaher ke musafir tu

meri misaal ki ek nasl-e-khusk-e-sehra hoon
tera khayaal ki shaakh-e-chaman ka taayar tu

main jaanta hoon ki duniya tujhe badal degi
main maanta nahi ke aisa nahi bazaahir tu

hansi-khushi se bichhad ja agar bichhadna hai
ye har maqaam pe kya sochta hai aakhir tu

fiza udaas hai rut muzmahil hai main chhup hoon
jo ho sake to chala aa kisi ki khaatir tu

tune usse mushkilo`n mein daal diya
zamaana saahib-e-zarr aur sirf shaayar tu.

Bas itni si inaayat mujh pe aik baar kijiye

Bas itni si inaayat mujh pe aik baar kijiye
kabhi aa ke mere zakhmon ka dedaar kijiye

Ho jaaiye begaane aap shauq se sanam
aapka hun aapkA rahungA aitbaar kijiye

Parrhne waale hi darr jaayen dekh kar ise
kitaab-e-dil ko itnaa na daagdaar kijiye

Na majboor kijiye, ke main unko bhool jaaun
mujhe meri wafaaon ka na gunehgaar kijiye

In jalte diyon ko dekh kar na muskuraaiye
zara hawaaon ke chalne ka intezaar kijiye

Karna hai ishq aapse karte rahenge hum
jo bhi karna hai aapko mere sarkaar,kijiye

Phir sapno ka ashiyaan bana liya hai maine
phir aandhiyon ko aap khabardaar kijiye

Hame na dikhaiye ye daulate ye shohrate
hum pyaar ke bhookhe hain hame pyaar kijiye

Yaar jo bhi mila dil jala kar gaya

Yaar jo bhi mila dil jala kar gaya
Khaak mein meri hasti mila kar gaya

Pyaas jiski sada mein bhujata raha
Zaher-e-Qatil mujhe woh pila kar gaya

Naaz uski wafa par mujhe tha magar
Teer woh bhi jigar par chala kar gaya

Dhoondta tha kabhi jo mujhe har gali
Aankh woh aaj mujhse bacha kar gaya

Maanta tha sahara jo hardam mujhe
Besahara mujhe woh bana kar gaya

Neend aagosh mein jiski aane lagi
Maut ki neend mujh ko sula kar gaya

Aarzoo thi Yaar jiski mujhe
khaak mein mujhe mila kar gaya