Monday 8 April 2013

Mohabbat jeet hoti hai, magar ye haar jaati hai

Mohabbat jeet hoti hai, magar ye haar jaati hai
kabhi dilsoz lamhon se, kabhi bekaar rasmon se

kabhi takdeer waalon se, kabhi majboor kasmon se
mohabbat jeet hoti hai magar ye haar jaati hai

kabhi ye phool jaisi hai, kabhi ye dhool jaisi hai
kabhi ye chaand jaisi hai, kabhi ye dhoop jaisi hai

kabhi masroor karti hai, kabhi ye rog deti ha
mohabbat jeet hoti hai magar ye haar jaati hai

kisi ka chain banti hai, kisi ka chain leti hai
kabhi le pyaar aati hai, kisi ko maar jaati hai

mohabbat jeet hoti hai magar ye haar jaati hai

Posted by at
Labels: ,

No comments:

Post a Comment

Subscribe to: Post Comments (Atom)