Kash main keh sakoon kabhi tm se

Kash main keh sakoon kabhi tm se
Dil ki har bat ankahi tm se

Kash main keh sakoon kabhi ye bhi
bari mushkil hai dil lagi tm se

Kash ke main keh sakoon ke tm kya ho
Hai mere dil main chandni tm se

Kash main keh sakoon kabhi ke mujhe
Baat karni hai zaroori tm se

Kash ke ye bhi kabhi pooch sakoon
kaise hoti hai berukhi tm se

Kash wo waqt bhi ajaye ke ho
meri duniya main roshni tm se

Kash ye raz keh sakoon main kabhi
Hai ahseen meri shairi tm se

Kash lafzon main kabhi keh paoon
Mil ke hoti hai jo khushi tm se

Kash ye umr yoon guzar jaye
meri yadain rahain saji tm se