Dil ki Baatein Bata Deti Hai Aankhein

Dil ki Baatein Bata Deti Hai Aankhein
Dhadkano Ko Jaga Deti Hai Aankhein

Dil Pe Chalta Nahi Jaadu Chehron Ka Kabhi
Dil Ko To Deewana Bana Deti Hai Aankhein

Wo Humse Baat Nahi Karte, To Na Kare
Haaal Saara Unke Dilka Suna Deti Hai Aankhein

Gham Sada Rehta Hai, Aadmi Ke Sath
Ashq Bankar Chhalka Deti Hai Aankhein

Aata Hai Jab Daur-E-Jawan, To Aye Doston
Sundar Sapne Zehen Mein Basa Deti Hai Aankhein

Maana Ke Neend Aati Hai, Aankhon Hi Ke Raaste
Magar Kabhi Kabar Neend Uda Deti Hai Aankhein

Aisa Shukar Hai Khuda Ne Ata Ki Aankhon Ki Nemat Hamein
Dard-O-Gham Saare Dil Ke Chhupa Deti Hai Aankhein