Saturday 30 March 2013

Tujh se milne ki sazaa dain ge tere shahar ke log

Tujh se milne ki sazaa dain ge tere shahar ke log
Ye wafaaon ka sila dain ge tere shahar ke log

Kya Khabar thi tere milne pe qayamat hogi
Mujh ko divaanaa bana dain ge tere shahar ke log

Terii nazron se giraane ke liye jaan-e-hayaa
Mujh ko mujrim bhi bana dain ge tere shahar ke log

Kah ke divaanaa mujhe maar rahe hain patthar
Aur kya is ke siva dain ge tere shahar ke log
 

No comments:

Post a Comment