Saalha saal tum nay likhay

Ik baat samajhna hay mujh ko
Koi tum hisaab na kerna

Saada sa bas jawaab likhna
Tumharay woh saray khat jo

Saalha saal tum nay likhay
Woh zikr umr bhar kay saath ka

Woh batain saath mernay ki
Phir woh aik khat jis main

Tumhi nay to likha hay
'Muhabbat mujh say na mango

Derya kay do kinaray hain
Kabhi jo mil nahin saktay'

Derya kay uss kinaray say
Ik mukht'sir aakheri tehrir main

Bas itna tum likh bhejo
Barson ki sachchai ki taaqat

Ya aik din kay jhoot ka afsos
Mujh ko kis kay saath rehna hay