کوئی تو ہوتا
میں جسکے دل کی کتاب بَنتا
میں جسکی چاہت کا خواب بَنتا
میں ہجر کے موسم کی لمبی راتوں، میں
یاد بن کر عذاب بَنتا
کوئی تو ہوتا
جو میری خواہش میں
اُٹھ کے راتوں کو خوب روتا
دُکھوں کی چادر لپیٹ کر وہ
ہجومِ دنیا سے دور ہوتا
میں روٹھ جاتا، مَناتا مجھ کو
کہ چاہے میرا قصور ہوتا
کوئی تو ہوتا
میں جسکے اتنا قریب ہوتا
نہ پاس کوئی رقیب ہوتا
میں تنہا اُسکا حبیب ہوتا
یہ سلسلہ بھی عجیب ہوتا
کوئی تو ہوتا
No comments:
Post a Comment