Meray saath chalna hay
To itna soch lena tum
Muhabbat woh safar hay jis main
Hijr-o-wasal ki manzilen bhi aati hain
Wasal ki rim jhim ho nasseb to
Rooh tak sarshaar kerti hay
Hijr to ik sehra hay
Jaltay sooraj ki tappish main
Saaibaan ko dhondhtay
Tishnegi say jaan b'labb musafir ki
Aabla paai iraaday torh deti hay
Aur lottnay ki koshish main
Paththar ho chuka musaafir
Toot jata hay
Meray saath chalna hay
To itna soch lena tum
No comments:
Post a Comment