Saturday 23 February 2013

Katra K Manzilon Se Guzarty Chaly Gaye

Katra K Manzilon Se Guzarty Chaly Gaye,
Sehra Ki Wusaton Mein Utrty Chaly Gaye.

Sheesha Badan The Phir Bhi Kisi Ki Talash Mein,
Takra K Pathron Se Bikhrty Chaly Gaye.

Kanton Se Kr K Apny Badan Ko Lahoo Lahoo,
Phoolon K Sath Hum Bhi Nikhrty Chaly Gaye.

Parwana Khoo The Aisy K Shama K Naam Par,
Apni Tapish Mein Ap Hi Marty Chaly Gaye.

Ye Waaqia Hai Us Ki Mohabbat Mein Ham
Ujray Hain Is Tarh K Sanwrty Chaly Gaye...!!

No comments:

Post a Comment